03/02/2023

Билатералната спогодба за заштита од природни катастрофи помеѓу Владата на РСМ и Советот на министри на Р. БиХ

На ден 15.10.2019 год. се одржаа вторите билатерални разговори помеѓу високи претставници на двете држави, во рамки на Билатералната спогодба за заштита од природни катастрофи, помеѓу Владата на РСМ и Советот на министри на Р. БиХ, потпишана во 2008 година во Скопје.
Од БиХ на разговорите учествуваа претставници од Министерството за безбедност, Федералната управа за цивилна заштита и Републичката управа за цивилна заштита на Република Српска. Од страна на РСМ, Делегацијата ја предводеше директорот на Дирекцијата за заштита и спасување, г-дин Аднан Џафероски и претставници од институцијата.
На разговорите се дефинираа конкретни активности за соработка во 2020 година, а паралелно, Дирекцијата за заштита и спасување изрази безрезервна поддршка во однос на пристапување на БиХ кон Европскиот механизам за цивилна заштита. На крајот од средбата се потпиша заедничка изјава од страна на г-дин Самир Агиќ и г-дин Аднан Џафероски.