Денеска на глобално ниво се одбележува Меѓународниот ден на човековите права. На 10 декември 1948 година во Париз од страна на Генералното собрание на ОН е усвоена Универзалната декларација за човекови права.
Секој има право на живот, слобода и сигурност на личноста и сите луѓе се исти пред законот и имаат право на еднаква законска заштита. Сите имаат право на еднаква заштита од секаков вид дискриминација што ја повредува оваа декларација и од секакво поттикнување таков вид дискриминација.
За жал, и покрај многубројните заложби на глобално ниво и усвоените инструменти за човекови права, сведоци сме дека милиони луѓе во светот се изложени на страдања и војни, со што им се загрозени основните човекови права.
Верувајќи дека почитувањето и заштитата на човековите права и слободи е континуирана и заедничка обврска, Дирекцијата за заштита и спасување се залага за доследно почитување на Универзалната декларација за човековите права и другите меѓународни инструменти во насока на создавање на развиено демократско општество.