Weekly News

Logo

05/12/2018

Одбележување на 5 декември-Светски ден на волонтерството


 

Меѓународниот ден на волонтерите 5 декември се одбележува во целиот свет и оддава признание на солидарноста на волонтерите кои одговараат на повиците во кризни ситуации, секојдневно помагаат во спасување на животи и даваат поддршка на оние кои сакаат својот живот и понатаму да го живеат достоинствено. Со организирање конференција за волонтерство со слоганот–Волонтерите градат стабилни заедници, денес, и Република Македонија го одбележува 5 декември, Светскиот ден на волонтерството.

Обединетите Нации во 1985 година го утврдија овој ден како Меѓународен ден на волонтерите. Една од глобалните цели која е воспоставена е дека волонтерите треба да тренираат, да се обучуваат, да се вмрежуваат во однос на делувањето во случај на природни и други несреќи.

Капацитетите на цивилната заштита можат да бидат засилени со регрутација на дополнителен персонал, се со цел да може навремено да се одговори на различните потреби на загрозеното население и имот.  Во активностите за одговор на катастрофите, преоптеретените капацитети на цивилната заштита би се подобриле со доброволна мобилизација на граѓаните. Спонтаните организирања на граѓаните покажуваат солидарност, меѓутоа, особено изразена е потребата за организиран систем за регрутација. За таа цел цивилната заштита има потреба за одреден број на лица волонтери)  кои би поминале обуки со цел одговарање на потребите и давање помош на граѓаните и заедниците, за на тој начин да се зајакнат капацитетите на цивилната заштита во областа на заштитата и спасувањето во случај на природни катастрофи и катастрофи предизвикани од човечко делување.

Имајќи предвид дека волонтирањето е активност во интерес на системот за заштита и спасување на луѓе и материјални добра, Дирекцијата за заштита и спасување на Македонија располага со бројка од над 450 лица(волонтери) и  со нив има одлична соработка , а притоа тежнее кон зголемување на таа бројка.

Дирекцијата за заштита и спасување на сите сегашни и идни волонтери им го честита 5 декември, Светскиот ден на волонтерите.

 

Logo

За нас

Дирекцијата е формирана со законот за заштита и спасување
Со работа започна 16.05 2005 година
Дирекцијата е самостоен орган на државната управа
Настаната е со спојување на цивилната заштита од Министерството за одбрана и инспекцијата за заштита од пожари од Министерството за внатрешни работи.

Контакт информации

Адреса: ул. Васко Карангелески бр. 8
Тел.: 02 2 433 384
Факс.: 02 2 433 300
web site: www.dzs.gov.mk
e-mail: dzs@dzs.gov.mk
press@dzs.gov.mk

Останати контакт информации